Орнықты
даму
---

ҚазАгроҚаржы ұзақ мерзімді кезеңде орнықты дамуды қамтамасыз ету үшін өз қызметінің экономикалық, экологиялық және әлеуметтік аспектілерін үйлесімді басқаруға ұмтылады.

Орнықты даму Компанияда үш құрамдас санаттан тұрады: экономикалық, экологиялық және әлеуметтік, олардың аспектілерін GRI Standards ескереді.

Орнықты дамудың экономикалық құрамдасы келесі мақсаттардан тұрады:

• қызметтің шығынсыздығы;
• Жалғыз акционер мен инвесторлардың мүдделерін қамтамасыз ету;
• процестердің тиімділігін арттыру;
• ауыл шаруашылығына инвестициялардың өсуі.

Орнықты дамудың экологиялық құрамдасы келесі мақсаттардан тұрады:

• биологиялық және физикалық табиғат жүйелеріне әсерді барынша азайту;
• органикалық ресурстарды оңтайлы пайдалану;
• экологиялық, энергия және материал үнемдейтін технологияларды қолдану.

Орнықты дамудың әлеуметтік құрамдасы әлеуметтік жауапкершілік қағидаттарына бағытталған және соның ішінде келесі мақсаттарды қамтиды:

• жұмысқа қабылдау кезінде ашық конкурстық процедуралар мен тең мүмкіндіктерді қамтамасыз ету;
• әділ сыйақы және жұмыскерлердің құқықтарын сақтау;
• еңбектің қауіпсіздігін қамтамасыз ету және жұмыскерлердің денсаулығын сақтау;
• жұмыскерлерді оқыту және кәсіби дамыту;
• ішкі және сыртқы әлеуметтік бағдарламалардың іске асырылуы.

Компания өзінің қызметіне осы үш аспект бойынша талдау жүргізеді, сонымен қатар өз қызметінің нәтижелерінің мүдделі тараптарға теріс әсерін болдырмауға немесе төмендетуге ұмтылады. ҚазАгроҚаржы БҰҰ Орнықты дамуының мақсаттарының (бұдан әрі – ОДМ) барлық 17 мақсатының маңыздылығын қолдайды және мойындайды және ОДМ-ға қол жеткізуге елеулі үлес қосуға ұмтылады.

Компания өз қызметі шеңберінде орнықты дамудың мынадай мақсаттарына қол жеткізуді жүзеге асырады:

ОДМ 1.

Кедейшілікті оның барлық нысандарында жаппай жою

• қаржылық қызмет көрсетудің қолжетімділігін арттыруға бағытталған бастамаларды іске асыру;
• қайырымдылық және демеушілік көмек;

ОДМ 2.

Ашаршылықты жою, азық-түлік қауіпсіздігін қамтамасыз ету және тамақтануды жақсарту және ауыл шаруашылығының орнықты дамуына жәрдемдесу.

• Компания АШТ мен жабдықтарды сатып алу үшін лизингтік қызметтер көрсету арқылы АӨК-ті техникалық жарақтандыруға жәрдемдесуді жүзеге асырады. Осылайша, АӨК-ті жоғары өнімді техникамен технологиялық жаңарту арқылы Компания азық-түлік қауіпсіздігіне айтарлықтай әсер етеді.

ОДМ 3.

Салауатты өмір салтын қамтамасыз ету және барлық жастағы адамдардың әл-ауқатына ықпал ету.

• қауіпсіз еңбек жағдайларын жасау және Компания жұмыскерлерінің денсаулығын сақтау;
• жұмыскерлерді әлеуметтік қолдау.

ОДМ 5.

Гендерлік теңдікті қамтамасыз ету және барлық әйелдер мен қыздардың құқықтары мен мүмкіндіктерін кеңейту.

• тең жұмыс жағдайлары мен тең мансаптық мүмкіндіктер жасау;
• қызметті бағалаудың және сыйақының тең жүйесін қамтамасыз ету.

ОДМ 8.

Ұдайы, бәрін қамтыған және орнықты экономикалық өсуге, толық және өнімді жұмыспен қамтуға және барша үшін лайықты жұмыс болуына жәрдемдесу

• ауыл шаруашылығында инвестициялардың өсуі;
• лизингтік қызметтер көрсету арқылы АӨК-те бизнесті дамыту.

ОДМ 12.

Тұтынудың және өндірістің ұтымды модельдерін қамтамасыз ету

• энергия үнемдеу мәдениетін арттыру;
• ресурстарды тұтынуды (энергия тұтынуды, су тұтынуды) азайту;
• Компанияның бизнес-процестерін автоматтандыру арқылы қағаз құжат айналымын оңтайландыру.

ОДМ 15.

Құрлық экожүйелерін қорғау, қалпына келтіру және оларды ұтымды пайдалануға жәрдемдесу, ормандарды ұтымды басқару, шөлейттенуге қарсы күрес, жердің тозуы процесін тоқтату және кері қайтару және биологиялық әртүрлілікті жоғалту процесін тоқтату

• ҚазАгроҚаржы лизингке қоршаған ортаға ескірген тозығы жеткен техникамен салыстырғанда теріс әсері аз жаңа заманауи техника ұсынады (пайдалану кезінде мұнай-химия қалдықтарының түсуі нәтижесінде атмосфераға зиянды заттар шығарындыларының мөлшері мен топырақтың ластануы азаяды).

Заңды және жеке тұлғаларға қайырымдылық және демеушілік көмек көрсету тәртібі мен процедурасы Компания Басқармасының 2016 жылғы 13 мамырдағы №12 шешімімен бекітілген ҚазАгроҚаржының Қайырымдылық және демеушілік көмек беру қағидаларында айқындалған.

Қайырымдылық және демеушілік көмек Компанияның тиісті қаржылық жылына арналған жылдық бюджетінде көзделген қаражат есебінен және соның шегінде көрсетіледі.

Есепті жылы Компания Басқармасы Компания бюджетінің бабы шеңберінде келесі тұлғаларға қайырымдылық және демеушілік көмек көрсету туралы шешім қабылдады:

1. «Қазақ соқырлар қоғамы» қоғамдық бірлестігінің филиалына филиал базасында көркемөнерпаздар іс-шараларын өткізу және тамақ өнімдерін сатып алу үшін 350 000 (үш жүз елу мың) теңге мөлшерінде;
2. жеке тұлға Ф.С. Самиғуллаевқа «Юинг саркомасы» (сүйек обыры) диагнозы бар мүгедек баланы емдеуге 250 000 (екі жүз елу мың) теңге мөлшерінде;
3. жеке тұлға, бала кезінен мүгедек Г.Е.Жолдасоваға Астана қаласында бел бөлімін емдеу және дәрі-дәрмек сатып алу үшін 240 000 (екі жүз қырық мың) теңге мөлшерінде;
4. аз қамтылған, көп балалы отбасылардың, жетім балалар мен ата-анасының қамқорлығынсыз қалған балаларға «Балаларды қорғау күні» қайырымдылық акциясын өткізу үшін «Где сбываются мечты» қоғамдық қорына 300 000 (үш жүз мың) теңге мөлшерінде;
5. «Сәби бақыты» қоғамдық қорына «Бақытты жаз» қайырымдылық акциясын өткізу үшін аз қамтылған отбасылардың балаларына, ата-анасының қамқорлығынсыз қалған балаларға 392 000 (үш жүз тоқсан екі мың) теңге мөлшерінде;
6. аз қамтылған отбасылардың балаларына, ата-анасының қамқорлығынсыз қалған балаларға «Мектепке жол» қайырымдылық акциясын өткізу үшін «Жүрек Нұры» қоғамдық қорына 673 000 (алты жүз жетпіс үш мың) теңге мөлшерінде.